414 Kreisklasse 4Herren

Guada Start. 5 Heisl und do richtig schee aufzaubert. So muas des Männer. Jetz dringds no a Hoibe oder acht und feierts an Sieg. Sauba Jungs

Abpfiff der Begegnung

Samuel Agyemang (14) für Lukas Gröppmair (4)

Und jetz geht da Samu. Und es kommt die Präsenz. Es hod am Toreschiaßn koan Abbruch getan weil da Ulla do war. Aber mit dene zwoa do werd de letzte Minute no hantig für Haggedorf. Do miasds eich umschaun

Tor durch Dominic Fumelli (13)

Und do bockstark gspuid und da Domi laffd durch und eiskoid wia a frische Hoibe Bier schiabd er den nei. Sau stark gmacht Manna jetz habds eich a Bier verdient. Geht aufn Felix mit seim Einstandsdragal

Jacob Kern (17) für Felix Eiermann (7)

So jetz werds nix mehr mit de mehran Dragl. Felix geht naus aber jetz werds a Kernschmelze. Da Jagge kimmd und jetz werds nomoi machtig

Tor durch Michael Simon (8)

Mia wissn zwar grod ned wer fürn Jimmy naus is aber er griagd de Darts Melodie als Tormusik. Sau geil und wieder an Kopfboi. Heid hammas mit de Schädl

Oida scheena Angriff. Flanke und da Tobi kimmd zum Kopfboi. Leider an Pfosten. Und dann zwoate Flanke woid er im Karatekick Stil neihaun. Irgendwo auf da Welt hätt sich da Zlatan scho verneigt. Aber er segelt einfach drunter. Wurscht geil hods ausgschaut

Gelbe Karte für Tobias Keserü (6)

Ja mei a guads Spui is hoid a Spui mit da Gelben vom Tobs. Muas sei is scho a Ritual. Stille Vereinbarung mim Schiri und mit de Mitspieler. Schee Tobi du bleibst deiner Linie treu

Andreas Ullmann (11) für Lukas Gröppmair (4)

Und jetz geht die Präsenz Gröppi. Aiso hoffentlich werd as Tore schiaßn ned eingestellt. Aber es kommt jetz die ultimative Präsenz nämlich die lebende Legende da Ulla. Der Mensch der fast unzerstörbar ist. Aber jetz gehts auf

Beginn der zweiten Halbzeit

Sauba Männer so gfoid uns des. Bitte weida so und legds am Felix no a baar auf damits Dragal hagelt. Und jetz Major Tom. Schee is

Halbzeit der Begegnung

Tor durch Samuel Agyemang (14)

Unser Torjubel DJ triffts perfekt. Van Halen - Jump. Und da Samu jumpt und macht des Kopfballtor. Sachan gibts de gibts gar ned. Sauba Jungs

Tor durch Dominic Fumelli (13)

Ja leck. I geh zum Bier hoin und dann stimmt sich Haggedorf gar ned ob und da Domi laffd an Rückpass ob. So und jetz hoi i a Bier

Tor durch Felix Eiermann (7)

Klingelingeling klingelingeling jetz kommt der Eiermann. Ausstandsdragal und glei no a Einstandsdragal. Grod schee is. Und eigentlich ligds nur am Gröppi weil der mit seina Präsenz nei kemma is. Weida so. Für jedes weitere Tor no a Dragal

Lukas Gröppmair (4) für Louis Ertl (12)

Und da Gröpp kimmd fürn Louis. Der hod sich seiba weh do a wengal. Aber jetz Gröppmeister auf gehts

Aiso vui bassiad do ned. Da Samu hod a paar Ideen de koana versteht. Aiso am Schmoiz als Linksfuß an Boi aufn Rechtn spuin oder so. Aber er werd sich scho wos dacht ham.

Anpfiff der Begegnung

So und heid as erste Saisonspui vo da erstn gega Haggedorf. Schauma moi wos des werd. A baar Fans aus Hörgersdorf san scho in da Lederhosn do. Sauba Burschn de wern heid no auf a Festl geh. Aiso gut Kick und Prost