428 A-Klasse 8Herren

Und dann is gar. Hätt ned sei miasn und de 3 Punkte hamma ehrlich gsogd hergschenkt. Naja hod ned sei miasn aber ja. Is hoid jetz so. Spui is gar und jetz dring ma no a Bierle und fahrn dann hoam

Abpfiff der Begegnung

Und wieder geile Chance. Wieder Maison und Evans aber do geht heid nix zam zefix

Geiler Boi vom Evans und da Maison nimmt den gottgleich o. Benny hod im 16er an Boi aber schafft an Abschluss ned

Und weida gehts jetz doch wieder. De letzn 7 Minuten san obrocha

So unterbrocha wegam Wetter. Blitz und donnert scho sauba hinter da Tribüne. Und da Mirko glab i muas sich moi zrugg hoidn. I woas ned wieso de Wartenberger sich jetz aufreng. Wenn da Schiri sogd er unterbricht dann unterbricht er. Aiso uns, und Achtung jetz werds hochgstocha, entschwindet des jeglicher Logik. De san vorn und reng sich auf. Mias ma ned versteh oder

Aiso as Wetter ned as Spui

Freistoß vom Benny in die Mauer aber da Nachschuss vom Schneider durchschlogd de Schallmauer. Ja saggra der war guad. Und jetz rengds a no. Ja wuid wuid. Jetz gehts an Boch obe

Wechsel bei SG Buch am Buchrain / Forstern 2

Dreifachwechsel. Oeller Steph, Leon und da Woife san naus. Sebbe, Harry und da Benny hod sich a no eigwechselt. Schauma moi wias werd. Ned weh doa sondern Wartenberg weh doa. Auf gehts Männer

Ja leck. Da Evans hod a geile Chance. Aber Keeper pariert und der Lupfer danoch eher schlecht ois recht. Aber mei. Und danoch die Ecke bringt leider a nix ei. Ja jetz kemmds Männer

Strafstoßtor für TSV Wartenberg II

Da Ruez lassd an Hax steh und ja. Machtn eiskoid ind Mittn nei. Aber gschrian homs sauba das ichs aufm Klo a no ghead hob. Wuid. Naja jetz mias ma hoid nomoi Gas gem. Mia kühlen mim Schwoaga Bier und do griagds ihr jetz a de Kraft. Auf gehts Männer do kemma nomoi zrugg

Und de Liachdverhältnisse wern a immer wuider. A dunkle Woikn in saubane Fetzn hängt drüber aber vo weid her blendt de Woikn. Wuid is des scho. Aber da Wind is grod angenehm. Zumindest nimma so dampfig is

Und dann brauch ich fast no a Zigarettn. Da Ruez ballert uns fast selber oan nei. Ja leck des war haarscharf

Da Auer, der Mann mit den 1000 Armen. Saggra ein Deifeskerl. Der hoid wia a Weidmoasda. Da Legendensticker in Glitzer is scho im Druck

Evans Ferkah (11) für Lukas Bauer (2)

Und fürn Kassier kimmd da Evans. Evans des wo du an mi an Anspruch hosd hob i jetz a an di. 20 Minuten 3 Heisl. Aiso aufgehts beim Schichtl

Beginn der zweiten Halbzeit

So und Hoibzeit is. Ja mei wos soi i do song mia hams brobiad. Aber mia ham no a Hoibzeit und do wucht mas auf unser Seitn. De han ned so guad. Aber se machans hoid clever. Naja jetz gscheide Ansprache und dann Abfahrt. De 3 Punkte nemma heid no mit hoam

Halbzeit der Begegnung

Puuh kurz vorm Wembleytor. Maison hodn aufm Fuaß aber do werds weggspitzelt. Und da AO haudn and Unterkantn Lattn. Und dann klärnsn. Den langa Boi klärt da Leon im Zusammenspui mim Auer souverän. Saggra is des ein Hund. Eiskoid wia as Spliteis und Gaggal aus Stahl. Sauba gmacht

Tor für TSV Wartenberg II

Und i schmeiß jetz wieder 2€ ins Phrasenschwein. Wennsd as vorn ned machst fangst as da hinten. Erster Torschuss und direkt drinnen. Leider sehr effizient. Des konnsd echt ned sei oder?

Ah ja bevor ichs vergess. Schneider i glab des kostet mit de Schuah. Auftrag an Bauer Luk die Strafe richtig zum taxieren. Meace Mannschaftskass gfreid sich

Und wieder aufm Fuaß. Maison so da Boi da nomehra de Zähan bussln oder wann hausdn jetz endlich nei? Geht scho da nächste. Herausn werd philosophiert wos a Spliteis is. Klassisch a Solero. Und anscheinend hods beim Gugg in da Bauerndisco damois an Cocktail gem. Des klingt ja moi sau guad mias ma selber moi mischen. Wos so a Eis in Wartenberg ois zu Tage bringt

Oeller Steph hod a richtig guade Chance. Ziagd mim 6 Gang und voigas dem langa Boi no. Konna a no kontrollieren aber legdn leider am Heisl vorbei. Fix Lettn aber geiler Boi

Trinkpause

Uhh erste Aktion vom Ruez war nix. Er woid den Freistoß in 16er hoch nei bringa. Aber der is eher so auf Höhe Grasnabe gwesn. Egal do kimmd scho no oana

Christian Ruez (5) für Salih Ünlü (15)

So und jetz is da Ruez drinnen. Salih hod in da Startelf ausghoifa weil da Ruez no spada aus da Arbad kemma is. Aber des hoda scho solide gmacht. Und jetz Ruez auf gehts do geht heid koana durch

Und wieder a guada Kopfboi. Mia tasten uns no a wengal wia a Maulwurf ro, aber mia san aufm guadn Weg. Und danoch blockt da Jone mit seim Prachtosch an Schuss. Sauba Männer

Guade Chance vom Steph. Geht guad nach vorn und dann werd da Boi obgfälscht zur Ecke. Leider nix zählbares nauskemma

Anpfiff der Begegnung

Heid samma in Wartenberg. Do is genauso dampfig wia bei uns. Und sogar a Schwoaga Bier do. Respekt. Aber a saubane Landkreiskurverei wars scho as herzua. Aber jetz gehts auf